Historie

Volda Mineralvatn AS, tidligare Brænne Mineralvatn, er ei sunnmørsbedrift som ligg ved Volda sentrum. Bedrifta vart starta i 1915, og har vore driven av familien Brænne sidan 1927.

I dag er det ca. 15 personar som arbeider med framstilling av saft, leskedrikk, brus og minelralvatn hjå Brænne. Til produksjonen brukar ein moderne produksjonsutstyr. Kravet til kvalitet er høgt på alle område. Det blir nytta kvalitetssikring etter anerkjente standarder.

Bedrifta har sin eigen kjelde. Aasen-kjelda er berre eit "steinkast" frå Ivar Aasen sin heimgard. Den ligg 150 meter nede i det sunnmørske grunnfjellet. Vatnet i kjelda er godkjent som naturleg mineralvatn etter internasjonale krav.